Dragan Bajiç, një trajner basketbolli i cili nuk u lejua të hyjë në Kosovë të hënën, është shrpehur i tronditur nga vendimi i institucioneve të Kosovës. Mediat pro-regjimit në Serbi e kanë cilësuar provokim aktin e autoriteteve kosovare.
Dragan Bajiç, trajner i klubit Igokea dhe i Përfaqësueses së Maqedonisë së Veriut në basketboll, nuk iu lejua hyrja në territorin e Kosovës, raportojnë mediat në Serbi.
Bajiç do të udhëtonte nga Aeroporti i Prishtinës me Përfaqësuesen e Maqedonisë nga Kosova për në Stamboll e më pas në Gjeorgji, mirëpo hyrja e tij nuk u lejua nga autoritetet kosovare.
Trajneri 48-vjeçar ishte i vetmi që u nda nga grupi dhe u detyrua të udhëtojë nga Shkupi.
“Aktualisht jam në Shkup dhe thjesht u trondita kur mora informacionin se nuk më lejuan të hyja në territorin e Kosovës”, ka thënë Bajiq.
Maqedonia e Veriut do të takohet me Gjerogjinë në kuadër të kualifikimeve për Kupën e Botës. /Paparaci.com