Qeveria e Republikës së Kosovës mbrëmjen e së martës ka miratuar masat e reja anti-Covid.
Përveç heqjes së orës policore e hapjes së klubeve të natës, ndryshime të masave ka pasur edhe te fusha e sportit.
Sipas masave të reja të ndërmarra nga ekzekutivi i vendit tani në aktivitetet garuese në hapësira të mbyllura do të lejohet prania e shikuesve deri në 50%, nga 10% sa ishte deri më tani.
Kurse, në hapësira të jashtme do të lejohet prania e shikuesve sipas kapacitetit të objektit apo hapësirës sportive.
Në të gjitha aktivitetet sportive duhet respektuar masa e distancës prej 1 metër, kurse shikuesit e pranishëm duhet të posedojnë si dëshmi kartelën e vaksinimit ose një test negativ.
Më poshtë gjeni masat e marra nga Qeveria e Kosovës në fushën e sportit.
