Policët spanjollë e kanë transferuar të mërkurën nga Cyrihu në Majorka, Bashkim Osmanin, shqiptarin nga Kosova të dyshuar si kreu i një grupi të dyshuar kriminal.
Osmani është arrestuar para rreth dy javësh në Poreç të Kroacisë, sipas një urdhri të ekzekutuar nga EUROPOL-i. Ai ndodhej në Kroaci që prej arrestimit.
Mirëpo, është transferuar në Majorka të Spanjës, aty ku do të gjykohet tash e tutje.
Avioni që e transportonte Osmanin, sipas mediave spanjolle, u ul në ishullin e Majorkas të mërkurën në orën 14:00 dhe agjentët e “Guardia Civilia” si dhe policët spanjollë e transportuan atë drejt gjykatës.
Gjykata, vendosi të mërkurën që ai të mbahej në paraburgim derisa gjykimi i tij do të vazhdojë.
Osmani dyshohet se ishte kreu i një rrjeti të pastrimit të parave dhe trafikut të kokainës. Ai, operacionet e grupit dyshohet se i udhëhiqte nga Majorka ku kishte rezidencën.
Në operacionin ndërkombëtar për kapjen e tij, morën pjesë Europol-ii, Eurojust-i, DEA dhe FBI. Gjithsej 45 persona u arrestuan.