Bujar Ibishi është truproja i reperit kosovar, Feronit Shabani – Fero, i cili dyshohet se u përfshi në një sherr me producentin Jetmir Agaj të premten.
Ibishi kryen detyrën e mbrojtjes së afërt të reperit nga Gjilani, shkruan Paparaci.
Siç raportoi sot portali Sinjali nga burime brenda policisë, në sulmin fizik të Feros dhe truprojës së tij ndaj producentit Agaj, është përdorur edhe një armë e zjarrit.
Mësohet se pas konfrontimit mes Feros e Jetmir Agajt, truproja i Feros ia ka drejtuar armën nipit të Agajt duke i thënë “mos u afro se t’vraj“.
Producenti muzikor, Jetmir Agaj ka publikuar një video në të cilën shfaqet brenda studios së tij muzikore në shoqërinë e tre miqve të tij, pas raportimeve se është sulmuar nga reperi Feronit Shabani – Fero dhe truproja e tij, Bujar Ibishi.
Agaj, shfaqet në video-incizim në shoqërinë e këngëtarit Butrint Imeri, si dhe dy miqve të tjerë të tij.
