Lufta mes Ukrainës dhe Rusisë dhe sanksionet e vendosura ndaj kësaj të fundit ka ndikuar që të rriten çmimet e derivateve dhe produkteve bazike ushqimore.
Një gjë e tillë ka shtyrë shumë vende që të marrin masa, në mënyrë që kjo rritje e çmimeve të përballohet më lehtë, shkruan Paparaci.
Qeveria e Maqedonisë së Veriut ka vendosur që produktet ushqimore si buka, mielli, sheqeri, qumështi, vaji, vezët dhe orizi të shiten pa TVSH.
Gjithashtu në Maqedoni të Veriut janë ulur edhe çmimet e benzinës për 11.5 denarë dhe dizelit për 10 denarë.
Si masë tjetër është miratuar edhe pakoja me 26 masa që kanë për qëllim ta zbusin krizën ekonomike./Paparaci.com