Kanë arritur në Gjykatën Themelore të Prishtinës edhe dy doganierët, të cilët u arrestuan gjatë ditës së djeshme nga Inspektorati Policor në bashkëpunim me Doganën e Kosovës.
Në mesin e 50 të arrestuarve, janë 48 zyrtarë policorë dhe dy doganierë.
Siç raportoi Paparaci, seanca është paraparë të fillojë nga ora 10:00 ndaj të dyshuarve për korrupsion, të cilët të hënën u vënë në pranga në pikat kufitare Qafë Morinë dhe Qafë Prushi.
Paparaci dje raportoi ekskluzivisht se dy nga 50 të arrestuarit janë togerët Ramiz Ahmeti nga Klina, i cili punon si komandant i pikës kufitare Qafë Prushi dhe Xhavit Lokaj nga Gjakova, që punon si komandant i pikës kufitare Qafë Morinë, regjioni perëndimor i kufirit Gjakovë.
