Presidenti i Ukrainës, Volodymyr Zelensky, u tha udhëheqësve të Forcës së Përbashkët të Ekspeditës të udhëhequr nga Britania e Madhe se afër 100 fëmijë janë vrarë në sulmet ruse në vendin e tij që nga fillimi i pushtimit pothuajse tre javë më parë.
Zelensky e bëri këtë deklaratë derisa vuri në pikëpyetje angazhimin e kompanive të huaja për një bojkot afatgjatë të Rusisë, raporton CNN.
“Disa kompani thonë se janë larguar, por ato thjesht presin momentin që mund të kthehen në tregun rus. Nuk u interesojnë 97 fëmijë; deri më tani, 97 fëmijë janë vrarë këtu”, u tha Zelensky udhëheqësve në një lidhje të drejtpërdrejt.