Ministri i Mbrojtjes, Armend Mehaj ka shprehur ngushëllime për vdekjen e Madeleine Albright.
Përmes një postimi në Facebook, Mehaj ka thënë se “Heroina jonë Albright, ishte figura qendrore në administratën Clinton, e cila nxiti aleancën e NATO-s të ndërhynte në Ballkan për të ndaluar gjenocidin dhe spastrimin etnik të ushtruar nga regimi dhe forcat kriminale serbe, ndaj popullit tone”.
Tutje ai ka thënë se Albright gjithë jetën e saj mbrojti të drejtat e njeriut dhe demokracinë në të gjithë globin.
“Pusho e qetë simboli ynë i Lirisë, Pavarësisë dhe Demokracisë.
Emri, jeta dhe vepra jote mbeten gjithmonë të skalitura në zemrat, shprtitërat e mendjet e të gjithë shqiptarëve dhe qytetarëve tjerë liridashës të Kosovës”, ka shkruar tutje Mehaj në Facebook.
Albright ishte një figurë qendrore në administratën e Presidentit Bill Clinton, së pari shërbeu si ambasadore e SHBA në Kombet e Bashkuara përpara se të bëhej diplomatja më e lartë e vendit në mandatin e tij të dytë.
Ajo mbrojti zgjerimin e NATO-s, nxiti që aleanca të ndërhynte në Ballkan për të ndaluar gjenocidin dhe spastrimin etnik, u përpoq të reduktonte përhapjen e armëve bërthamore dhe mbrojti të drejtat e njeriut dhe demokracinë në të gjithë globin.