fbpx

Të fundit

Reagon Policia e Kosovës, demantohet Simiqi

Policia e Kosovës ka përgënjeshtruar deputetin e Listës Serbe, Igor Simiq, i cili ka shkruar se Njësia Speciale e Kosovës gjatë zëvendësimit të zyrtarëve mbrëmë, kanë dëmtuar qëllimisht një numër automjetesh private të parkuara në pronësi të serbëve, në Bernjak.

“Policia e Kosovës me qëllim informimin e drejtë të opinionit publik, përmes këtij njoftimi zyrtar demanton shkrimin tendencioz dhe të pavërtetë të Igor Simic të publikuar në rrjetin e tij social facebook, të titulluar – Primitivizëm i Njësive Speciale të Kosovës në Bërnjakë, i cili pastaj si spekulim i tillë është publikuar edhe në portalin serb Kosovo -online”, thuhet në reagimin e PK-së.

Policia shtoi se veprimet policore merren konform Kushtetutës së Kosovës dhe ligjeve në fuqi, dhe “nuk bie pre e provokimeve të vazhdueshme, dezinformatave dhe lajmeve të rrejshme të orientuara me qëllime të caktuara politike”.

“Policia e Kosovës ka bërë verifikimet zyrtare me njësitet relevante në terren dhe është vërtetuar se informacionet e tilla janë të pavërteta, pasi njësitet policore në asnjë rrethanë nuk janë të përfshirë, andaj shkrimet e tilla janë spekulime, të paqëndrueshme dhe të orientuara politikisht, me qëllim të destabilizimit të situatës dhe njollosjes së njësiteve elite të Policisë së Kosovës”, thuhet tutje.

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci