Partia e Lirisë, e udhëhequr nga Robert Golob, ka fituar zgjedhjet parlamentare në Slloveni, sipas sondazheve.
Një sondazh i publikuar nga instituti Mediana, tregon se Golob – i cili para disa ditësh u përfshi në një aferë me ambasadorin kosovar Martin Berishaj – ka fituar zgjedhjet përball kryeministrit aktual, Janez Jansha.
Subjekti i drejtuar prej tij, Partia e Lirisë, ka fituar 35.8 për qind të votave në zgjedhjet e sotme, sipas sondazhit.
Ndërkaq, kundër-kandidati më i afërt i tij është Janez Jansha, kryeministri aktual i Sllovenisë. Ai ka fituar 22.5 për qind të votave.
Socialdemokratët e udhëhequr nga Tanja Fajon, ish-raportuese për Kosovën në Parlamentin Evropian, ka fituar 6.6 për qind të votave, raporton Paparaci.
Emri i Robert Golob është përmendur shumë në Kosovë në tri ditët e fundit pas publikimit të një hulumtimi gazetaresk që e implikon atë së bashku me Martin Berishajn, ambasadorin e Kosovës në Kroaci, në një skandal financiar.
Sipas hulumtimit të Planet TV, një televizioni slloven, Berishaj si pronar i një kompanie private në Mal të Zi, pranoi 600 mijë euro “cash” nga një kompani me bazë në Serbi para se t’ia transferonte ato Golobit. Hulumtimi bazohet në dokumente. Hulumtimi i përshkruan veprimet e Golob dhe Berishajt si përfshirje në shpërlarje parash.
Slovenia, Mediana exit poll:
GS-*: 35.8%
SDS-EPP: 22.5%
NSi-EPP: 6.8%
SD-S&D: 6.6%
L-LEFT: 4.4%
LMŠ-RE: 3.8%
PoS-EPP: 3.2%
…Threshold: 4%
➤ https://t.co/uCQcoOvMPe
#volitve #volitve2022 #Slovenia #Slowenien #Election pic.twitter.com/QjqMlu4ngS— Europe Elects (@EuropeElects) April 24, 2022