Rusia kreu një varg sulmesh kundër objekteve hekurudhore dhe karburanteve të Ukrainës të hënën, duke goditur infrastrukturën thelbësore larg vijës së parë të ofensivës së saj lindore, për të cilën Britania tha se ende nuk ka arritur një përparim të rëndësishëm.
Ndërkohë, dy zjarre u raportuan në objektet e naftës në Rusinë perëndimore. Nuk ishte e qartë se çfarë i shkaktoi flakët.
Ndërsa të dyja palët në luftën 2-mujore po përgatiten për atë që mund të jetë një betejë rrëqethëse e shkatërrimit të zemrës industriale lindore të vendit, zyrtarët e lartë amerikanë u zotuan për më shumë ndihmë për të siguruar që Ukraina të mbizotërojë.
Në takimet me presidentin Volodymyr Zelenskyy në Kiev të dielën, sekretarët amerikanë të shtetit dhe të mbrojtjes thanë se Uashingtoni kishte miratuar një shitje prej 165 milionë dollarësh municionesh për përpjekjet e luftës së Ukrainës, së bashku me më shumë se 300 milionë dollarë financime të huaja ushtarake.
Sekretari Antoni Blinken ka shprehur bindjen e tij të plotë se Ukraina do ta fitojë luftën. Ai ka thënë se Vladimir Putiniu tashmë ka dështuar t’i realizojë qëllimet e tij për pushtimin e Ukrainës