Debati në kuvendin e Kosovës ka eskaluar në fyerje e sharje ndërmjet pozitës dhe partisë opozitare të PDK.
Shefi i Grupit Parlamentar të Partisë Demokratike të Kosovës, Abelard Tahiri, gjatë seancës ka sharë deputetët e LVV-së, në një moment i cili është kapur nga kamerat e vendosura në sallë.
Kësaj situate i parapriu një debat ndërmjet ministres së Drejtësisë, Albulena Haxhiu dhe Abelard Tahirit.
Ministrja Haxhiu, në tentim për të mbrojtur ambasadorin Martin Berishaj, foli për raportin e Freedom House për vitin 2021, i cili ka përmendur përfshirjen e ish-presidentit Hashim Thaçi dhe ish-kryeministrin Ramush Haradinaj në krim dhe korrupsion.
Haxhiu ia ka përmendur Tahirit edhe armët shurdhuese të cilat ai dhe ish-presidenti Hashim Thaçi i kishin blerë me buxhet të shtetit.
“Ju nuk keni të drejtë me i thënë mbylle ministres së Drejtësisë zoti Tahiri, ndoshta për shkak të atyre shurdhuesve ende nuk e dëgjum ndonjë deklarim. Jeni të shqetësuar ju kuptoj për shkak se do të hetohet gjithçka që nga 2006-ta”, ka thënë Haxhiu.
Pas këtij momenti, ka eskaluar situata në kuvend. Abelard Tahiri ka sharë me robë Lëvizjen Vetëvendosje.