Shefi i Grupit Parlamentar të PDK-së, Abelard Tahiri ka kërkuar sërish falje pasi shau sot gjatë seancës së Kuvendit.
Përmes një postimi në Facebook, ai është shprehur se sharja nuk ishte e drejtuar ndaj asnjë deputeti dhe nuk kishte për qëllim fyerjen e askujt.
“Të dashur miq e të nderuar qytetarë. Për kërkim falje të sinqertë nuk ka nevojë për arsyetime, prandaj ju kërkoj ndjesë të gjithëve, për një reagim verbal të atypëratyshëm gjatë seancës së sotshme, i cili si i tillë nuk ishte i drejtuar ndaj asnjë deputeti në veçanti dhe as nuk kishte për qëllim fyerjen e askujt, si dhe i cili reagim nuk përfaqëson as qëndrimin tim politik si deputet dhe as karakterin tim personal si qytetar”, ka shkruar Tahiri.
Tahiri ka sharë sot në kuvend, pasi u bë zhurmë.
Tahiri kishte harruar se e ka mikrofonin lëshuar dhe derisa godiste tavolinën e Kuvendit, u dëgjua të thotë: “A robt jau q*****”.
E për këtë kryeparlamentari Glauk Konjufca kërkoi nga ai që të kërkonte falje publike.