Miliarderi amerikan George Soros ka paralajmëruar se “civilizimi mund të mos mbijetojë” pas pushtimit rus duke theksuar se ky mund të jetë fillimi i Luftës së Tretë Botërore.
Sipas filantropistit dhe investitorit lufta në thelb e ka tronditur Evropën. Ai i bëri thirrje botës të përdorë çdo mundësi që ka për të çuar në përfundimin e luftës sa më shpejt.
“Mënyra më e mirë dhe ndoshta e vetmja për të ruajtur qytetërimin tonë është të mposhtim Putinin sa më shpejt të jetë e mundur,” tha ai.
Soros foli gjithashtu dhe për çështjen e gazit rus në Evropë duke thënë se Evropa është në një pozicion më të favorshëm sesa mendon.
“Putini e ka vendosur gazin rus në depo në vend duke mos e eksportuar atë në Europë. Por deri në korrik Rusia nuk do të ketë më vend depozitimi të gazit, duke u detyruar kështu për ta shitur në Evropë, si i tregu i saj i vetëm,“ deklaroi Soros.
Sipas tij Putini mund të ketë patur sukses në shantazhin e tij ndaj Evropës duke përdorur gazin, por një gjë e tillë mund t’i kthehet atij në dobësi.