Shoqata e Naftëtarëve të Kosovës ka reaguar pas vendimit të Ministrisë së Industrisë, Ndërmarrësisë dhe Tregtisë, për caktimin e çmimeve të karburanteve për 24 orët e ardhshme.
Fadil Berjani, kryetar i Shoqatës së Naftëtarëve, i cili ka qenë i paqasshëm për mediat gjatë paradites së sotme, është deklaruar për portalin Indeksonline.
Ai, ka thënë se ky vendim i qeverisë duhet respektuar nga tregtarët e naftës, por ka thënë se qeveria ka bërë një gabim në kalkulimin e çmimeve, bazuar në udhëzimin administrativ të miratuar rreth një javë më parë.
“Vendimi i Qeverisë duhet të respektohet dhe është duke është duke u respektuar. Por vendimi ka gabime në kalkulim të çmimit. Shpresojmë se në ditët në vijim do të përmirësohet”, deklaroi Berjani.
Ministria, paraditen e sotme publikoi çmimoren e re të derivateve, e cila u përcaktua të hyjë në fuqi nga ora 10.
Sipas kësaj çmimore, çmimi maksimal i lejuar për dizel është 1.85 euro për litër, për benzinë 1.74 dhe për gas 0.75 euro për litër.