Ambasadori amerikan në Beograd, Christopher Hill, deklaroi sot se Shtetet e Bashkuara të Amerikës duan të jenë mike dhe partnere të Serbisë dhe varësisht nga angazhimet e saj në të ardhmen, aleatë.
Në pritjen me rastin e Ditës së Pavarësisë së SHBA-së, më 4 korrik, ku mori pjesë edhe presidenti i Serbisë, Aleksandar Vuçiq, Hill tha se SHBA-ja “pret me padurim ndërtimin e marrëdhënieve afatgjata (me Serbinë) me bazë mbi vlerat dhe interesat e përbashkëta”.
Ai tha se fakti është se Oqeani Atlantik nuk i ndan por i bashkon dy vendet.
“Thellësia dhe gjerësia e marrëdhënieve tona mund të na shtyjë të bëjmë gjëra të mëdha së bashku, nëse i lejojmë vetes të jemi në lartësinë e detyrës, të jemi tolerantë ndaj asaj në të cilën ndryshojmë, të kapërcejmë ndriçimet nga e kaluara me ndriçim dhe mendje të hapur dhe më e rëndësishmja, ne po presim me padurim”, tha Hill, raporton Danas, transmeton Paparaci.
Në pritjen në rezidencën e ambasadorit amerikan në Beograd ishin të pranishëm edhe kryeministrja serbe Ana Brnabiq, kryetari i parlamentit serb, Ivica Daçiq, dhe disa ministra serbë.