Ministri i Mbrojtjes, Armend Mehaj ka bërë të ditur se në ministri 100 për qind e stafit kanë marrë vaksinën antiCOVID.
Ndërsa në Forcat e Armatosura të Kosovës, siç ka njoftuar ministri, është realizuar 99 për qind e vaksinimit të personelit ushtarak dhe civil.
Mehaj, përmes një njoftimi në Facebook, bëri të ditur se secili zyrtar dhe ushtarak ka qenë i vetëdijshëm për rëndësinë e madhe që ka realizimi i këtij procesi.
“Për të gjitha këto, secili zyrtarë dhe ushtarakë ka qenë i vetëdijshëm për rëndësinë e madhe që ka realizimi i këtij procesi, sikur edhe 1% i mbetur që pritet të realizoj në ditët në vazhdim”, ka pohuar Mehaj.
Në total, prej fillimit të vaksinimit në të gjitha qytetet e Kosovës janë dhënë 1.419.979 doza të vaksinës.
Deri më sot 598.551 qytetarë janë vaksinuar me dozën e dytë.