Barcelona ka humbur legjendën e klubit Lionel Messi, që kaloi te PSG, pasi katalanasit nuk mundën ta kryejnë rinovimin e tij për shkak të problemeve financiare dhe kufizimeve.
Në fund të fundit, klubi nuk kishte si t’i paguante pagat e argjentinasit. Por, sipas kompanisë “Brand Finance”, largimi i Messit do t’i kushtojë shumë klubit katalanas.
Kjo pasi marka e FC Barcelonës – marka e dytë më e shtrenjtë e futbollit në botë pas Real Madridit – do të humbasë vlerën pa Messin.
Sipas gazetës Sport, kjo do të shkaktojë edhe më shumë problem, pasi klubi po vuan nga mungesa e të ardhurave të përgjithshme, mungesa e shitjes së fanellave dhe shitjet e tjera të marketingut, si dhe mungesa e të ardhurave nga ndeshjet./Telegrafi/