Një burrë ka vdekur pasditën e së premtes në shtëpinë e tij në Mitrovicë.
Bashkëshortja e viktimës ka raportuar të premten rreth orës 16:00 se bashkëshorti i saj është në gjendje të rëndë shëndetësore.
Në vendin e ngjarjes ka dalë ndihma e shpejtë e cila ka konstatuar se viktima kishte qenë pa shenja jete, ka njoftuar Policia e Kosovës përmes raportit 24-orësh.
“Me vendim të prokurorit trupi i pajetë i viktimës është dërguar në IML për obduksion. Rasti është duke u hetuar”, thuhet në njoftim.
Policia nuk ka dhënë detaje të tjera rreth rastit.