Deputetja e Doarsa Kica – Xhelili, zyrtarisht u bë pjesë e Lidhjes Demokratike të Kosovës. Kjo është prej rasteve të rralla që deputeti i partive në pushtet, kalon në opozitë.
Deputeten, që deri tash ishte në grupin parlamentar të Lëvizjes Vetëvendosje, nga radhët e Listës Guxo, e ka prezantuar sot kryetari i LDK-së, Lumir Abdixhiku.
Ai përmes një postimi në Facebook ka shkruar se shkuarja e saj në LDK është vlerë.
Ai tutje ka treguar Doarsa Kica Xhelili ka përfunduar studimet në Fakultetin Juridik të Universitetit të Prishtinës.
Abdixhiku ka thënë se përgjatë kësaj legjislature të Kuvendit të Kosovës, Doarsa ka shërbyer si kryetare e Komisionit për Administratë Publike, Pushtet Lokal, Media dhe Zhvillim Rajonal, si dhe anëtare e Komisionit për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër-Korrupsionit.