Aktori i njohur, Kreshnik Ibrahimi ka postuar një video në llogarinë e tij në Facebook nga Brukseli.
Në këtë video ai ka ironizuar me vonesat për liberalizimin e vizave për qytetarët e Kosovës.
“Përshendetje për krejt në Kosovë nga Komisioni Europian ku diskutuam për liberalizimin e vizave”, ka thënë ‘Tigri’ siç njihet me emrin e tij skenik.
Kosova është vendi i vetëm në Ballkanin Perëndimor që nuk gëzon liberalizim vizash me BE-në, ani pse i ka plotësuar të gjitha kushtet.
Megjithatë, procesi është penguar vazhdimisht nga disa shtete anëtare të BE-së, sidomos Franca, e cila ka shprehur rezerva për lëvizjen e lirë të kosovarëve.