Komisioni i Garave i Federatës së Basketbollit të Kosovës ka shqiptuar dënime të ashpra për ekipet elitare në kuadër të xhiros së nëntë.
Dënimet më të mëdha kanë shkuar për ekipin e Bashkimit, për shkak të organizimit të dobët të ndeshjes ndaj Trepçës.
“Xehtarët” triumfuan në fund me dy pikë dallim (85:87), në ndeshjen e tensionuar të javës.
Bashkimi është dënuar në total me 2100 euro për shkak të hedhjeve të gjësendeve në drejtim të gjyqtarëve dhe ekipit mysafirë.
Pa dënimi nuk kanë shpëtuar as ekipet tjera. Prishtinë është dënuar me 350 euro, Vëllaznimi me 400, Rahoveci me 200 euro, e Golden Ealge Ylli me 100 euro.