Manchester City nuk ka arritur të marrë asnjë pikë në javën e 14-të në Premier League, pasi u mposht me rezultat 1:2, nga Brentford.
Mysafirët shënuan të parët duke kaluar në epërsi në minutën e 17-të. Ivan Toney shënoi për Brentfordin.
City arriti ta barazojë rezultatin pak para se të mbarojë pjesa e parë, mirëpo nuk ia doli ta gjente edhe golin e fitores. Phil Foden shënoi për “qytetarët” në minutat shtesë së pjesës së parë.
Derisa City po mundohej të gjente golin e fitores ata u ndëshkuan përsëri. Ivan Toney shënoi përsëri për mysafirët duke i dhuruar tre pikë Brentfordit.
Pas kësaj humbje, Arsenali do ta ketë mundësin e artë për tu larguar më shumë në tabelë.
City ndodhet në pozitën e dytë në tabelë me dy pikë më pak se Arsenali që ka një ndeshje më pak të zhvilluar.
Skuadra e Mikel Artetas do të takohet sot me Wolves me fillim nga ora 20:45.