Mbreti britanik Charles festoi dje datëlindjen e tij të parë që kur u bë monarku i ri. Charles mbushi 74 vjeç dhe festoi ditëlindjen privatisht, në rrethin e miqve të tij më të ngushtë. Megjithatë, festa e madhe do të organizohet të shtunën e dytë të qershorit të vitit të ardhshëm, siç ishte zakon me datëlindjet e Mbretëreshës Elizabeth.
Sundimtarët britanikë kanë pasur festime shtetërore të ditëlindjeve të quajtura Trooping of Colors për 250 vjet. Në atë ditë, në Londër mbahet një paradë festive, dhe monarku dhe familja e tij kalojnë nëpër rrugët e Londrës dhe përshëndesin njerëzit e thjeshtë.
Datëlindja e Mbretëreshës Elizabeth ishte në prill, por ajo e festonte gjithmonë në qershor. Kështu do të jetë edhe me Charles.
Mbreti Eduard VII, i cili mbretëroi nga viti 1901 deri në vitin 1910, ishte ai që vendosi të organizonte paradën në fjalë në qershor. Datëlindja e tij ishte gjithashtu në nëntor, dhe ai mendoi se qershori do të ofronte mot më të bukur dhe më me diell për të festuar.
Por kur Princi William të marrë fronin në të ardhmen, ai mund të ketë vetëm një festë sepse si George V, datëlindja e tij është gjithsesi në qershor, kështu që është e përkryer për festime me diell. Dita e madhe e Princit të Uellsit bie më 21 qershor. Trashëgimtari i radhës i fronit, Princi George, është gjithashtu një foshnjë verore, ndaj ekziston mundësia që tradita e dy datëlindjeve të zhduket pas disa dekadash.