Ka përfunduar me vetëm një gol të shënuar pjesa e parë ndeshjes miqësore ndërmjet Kosovës dhe Armenisë në Prishtinë.
Goli i vetëm u realizua në minutën e 24′ kur Shagoyan iu solli epërsinë mysafirëve pasi kaloi lehtësisht në vijën mbrojtëse të “Dardanëve”, raporton KosovaPress.
Paraqitja e lojtarëve të rinj të përzgjedhur nga trajneri Alain Giresse nuk ishte e mirë pasi munguan rastet për gol. E vetmja goditje serioze drejtë portës së armenëve erdhi në minutën e 38′ nga Lirim Kastrati e cila u prit nga portieri kundërshtar.
Mbetet të shihet nëse gjërat do të ndryshojnë në pjesën e dytë ku Kosova duhet ta kërkojë golin e barazimit.