Ndryshe nga dita hapëse e Kampionatit Botëror që po zhvillohet në Katar ku ishte vetëm një ndeshje, në orar për ditën e sotme ishin tre ndeshje.
Dy ndeshje i përkisnin Grupi B, ndërsa një ndeshje është zhvilluar në kuadër të Grupit A.
Anglia e Irani dhe ShBA-ja e Uellsi u takuan në kuadër të Grupit B, kurse nga grupi A ishte ballafaqimi mes Holandës e Senegalit.
“Tre Luanët” arritën fitoren më të thellë deri tani, duke shënuar fitore me rezultat 6:2 ndaj Iranit.
Ndeshja e zhvilluar në stadiumin “Al Khalifa” në Doha të Katarit u vonua për disa minuta pasi portieri i Iranit pësoi një lëndim të tmerrshëm.
Anglia fitoi me golat e Bellingham, Saka, Sterling, Rashford e Grealish, kurse për Iranin të dy golat i shënoi sulmuesi Tarim.
Ndeshja mes Senegalit e Holandës ishte njëra prej ndeshjeve më të mira për sot, ku rezultati u zhbllokua vetëm pas 85 minutave.
Deri pesë minuta para përfundimit të kohës së rregullt rezultati ishte i barabartë, por “tulipanët” surprizuan Senegalin duke shënuar dy gola të shpejtë.
Holanda fitoi me golat e Gakpo dhe Klaassen.
Me këtë fitore, Holanda barazoi pikët me Ekuadorin në Grupin A, ndërsa Katari e Senegali akoma nuk kanë gjetur pikët.
Ndeshjet e radhës në kuadër të Grupit A do të zhvillohen të premten.
Ndeshja mes ShBA-s dhe Uellsit ishte e vetmja ku nuk u përcaktua fituesi.
Sulmuesi i Uellsit, Gareth Bale arriti të shënonte golin e parë për Uellsin në Kupën e Botës pas 65 vjetëve.
Uellsi mori një pikë të vlefshme në Grupin B, duke ndarë pikët e barabarta me Shtetet e Bashkuara të Amerikës.
Në Grupin B vendin e parë e mban Anglia. /Paparaci