Serbia do të nis fushatën e saj në Botëror të enjten kundër Brazilit.
Mirëpo, ajo që pushtoi mediat dhe mori vëmendje sidomos në Spanjë është stema e re në fanellën e përfaqësueses serbe.
Gazeta spanjolle “AS” i kushtoi një artikull fanellës së re të Serbisë, e cila mban një stemë që duket e ngjashme shqiponjën dykrenarëshe të Shqipërisë dhe disa vendeve të tjera.
Stema në fanellë nxiti reagim në Serbi, thuhet në artikullin e AS-it spanjoll, derisa vijon:
“Shumë serbë janë të indinjuar nga fakti se stema ka ngjashmëri me flamujt e kombeve që tradicionalisht janë rivalë dhe armiq të Serbisë. Një numër i konsiderueshëm serbësh besojnë se simboli në fanellën e kombëtares së tyre ngjan më shumë me shqiponjën e zezë dykrenarëshe në stemën e Shqipërisë dhe se i ngjan shqiponjave në stemën e Polonisë”.
Federata Serbe e Futbollit u përgjigj ndaj reagimeve. Tha se stema e re është model hibrid i asaj të mëhershmes dhe stemës së re.