Trajneri i Dritës, Ardian Nuhiu pritet të shkarkohet nga klubi pas një karriere katër vjçare.
Kështu ka raportuar sot Klan Kosova. Shkarkimi i Nuhiut vjen pas eliminimit të Dritës nga Kupa e Kosovës.
Në Gjilan, Drita dje u mposht nga Liria me rezultat 1:2, duke u eliminuar përfundimisht nga gara për Kupën e Kosovës.
Drita ka njoftuar sot se do të mbajë konferencë për media me fillim nga ora 13:00, ndërsa dje asnjë zyrtar i klubit nuk ishte prononcuar për media.