Ylli i kombëtares belge, Kevin De Bruyne ka shuar shpresat për tifozët belgë në Kupën e Botës.
Mesfushori i Manchester Cityt, ka deklaruar se Belgjika nuk ka asnjë mundësi për ta fituar trofeun e Kupës së Botës.
“Mendoj se shansi ynë ishte viti 2018. Kemi një ekip të mirë, por po plaket. Nuk kemi asnjë mundësi për ta fituar Kupën e Botës”, ka thënë De Bruyne për The Guardian, transmeton Paparaci.
Belgjika e filloi fushatën e saj në Katar me një fitore, megjithëse ndoshta jo në asnjë mënyrë aq dominuese sa pritej, ndaj Kanadasë së vogël.
Skuadra e Martinez do të kërkojë të vazhdojë ecurinë e tyre drejt lavdisë së Kupës së Botës kur të përballet me Marokun në ndeshjen e tyre të dytë të turneut të dielën, përpara se të përmbyllin grupin e tyre kundër Kroacisë të enjten.