Një veturë është djegur sot në Mitrovicën e Veriut gjatë protestave të banorëve serbë kundër një operacioni policor ndaj kontrabandës së mallrave në qytet.
Të mërkurën, qytetarët në veri të Kosovës po kundërshtojnë një aksion të Policisë së Kosovës kundër kontrabandës së mallrave.
Në këtë komunë gjatë gjithë kohës janë dëgjuar sirenat e kamionëve të zjarrfikësve dhe autoabulancave.
Qytetarët thonë se për më shumë se një orë është dëgjuar edhe sirena e emergjencave në këtë komunë.
Ndërkaq, Policia e Kosovës njoftoi se aksioni kishte të bënte me kontrabandën e mallrave dhe goditjen e një rrjeti kontrabanduesish në veri të vendit.