Mesfushori i Arsenalit, Granit Xhaka ka folur me admirim për ish-trajnerin e tij, Arsene Wenger.
Xhaka është takuar me Wenger pas fitores ndaj West Hamit të hënën dhe ka vendosur të ndaj disa foto nga takimi i tij, ku e ka quajtur trajnerin francez një legjendë.
“Një preson i jashtëzakonshëm, një menaxher brilant dhe një arsye e madhe se përse nënshkrova me këtë klub special. Absolutisht e desha dhe e shijova faktin se e takova këtë legjendë”, ka shkruar Xhaka në llogarinë e tij në rrjetin social, “Instagram”.
View this post on Instagram
Wenger konsiderohet si trajneri më i madh në histori të “Topçinjve”, ndërsa Xhaka është duke e kaluar formën jetësore në “Emirates Stadium” nën drejtimin e trajnerit Mikel Arteta.
Ishte pikërisht Wenger ai që kërkoi transferimin e Xhakës te skuadra e Arsenalit.
Së fundmi është duke u ngritur një peticion për të ndërtuar një bust për Wenger në hyrje të “Emirates Stadium”.