Majlinda Kelmendi, e cila na ka bërë krenarë në të gjithë botën prej sukseseve të saj në xhudo, është shpallur sot “Qytetare me merita të veçanta”.
Statusi i qytetares me merita të veçanta për kontributin e saj dhe sukseset e mëdha do t’i njihen xhudistes nga Peja nga dita e sotme dhe në vazhdim.
Ky propozim është bërë nga Hajrullah Çeku, Ministër i Kulturës, Rinisë dhe Sportit në mbledhjen e sotme të Qeverisë.
Ai shtoi se çdo muaj Kelmendi do të shpërblehet me 1,321 euro për muaj.
“Ajo do të vazhdojë të punojë në ndërtimin e kampionëve të Kosovë në sportin e xhudos. Si Ministri propozojmë që Kelmendi të marrë statusin me merita veçanta, çdo muaj do të shpërblehet me 1,321.32 euro ekuivalente me pagën e një ministri”, u shpreh Çeku në mbledhjen e Qeverisë.