Rezultatet e autopsisë së boksierit shqiptar, Lirdion B, të publikuara së fundmi tregojnë se 23-vjeçari mund ta kishte therur vetën me thikë nën ndikim të alkoolit apo drogës.
“Sipas rezultateve të autopsisë, Liridon B., i cili ka qenë i dënuar për vepra të lidhura me drogën, mund t’i kishte shkaktuar plagët me thikë në gjendje të dehur” – raporton BILD.
Boksieri shqiptar, Liridon B. u gjet i vdekur ditë më parë në një stacion treni në Gjermani.
Siç raporton BILD, disa punonjës në stacionin e trenit Gunzenhauser në Gjermani kishin gjetur një person pa shenja jete pranë një hekurudhe dhe me plagë të marra nga një thikë.
23-vjeçari ishte vlerësuar si talent i boksit dikur, por ish-trajneri i tij tregon se Liridoni kishte rënë në shoqëri të keqe.
“Shoqëri të keqe, drogë, burg. Pas burgut erdhi te unë në stërvitje, donte të kthehej në boks. Më premtoi se më nuk do të bënte marrëzira. Por, para një viti e la përfundimisht sportin”, deklaroi trajneri i tij Ralf Markert.