Barcelona është përfshirë edhe një herë në një tjetër skandal pasi u zbulua se ata kishin paguar zëvendës presidentin e Komitetit Teknik për Gjyqtarët, Enriquez Negreira, për një periudhë prej tre vjetësh.
Pagesat ishin në vlerë prej 1,392 milionë euro në periudhat midis vitit 2016 dhe 2018 nën udhëheqjen e Josep Maria Bartomeu.
Këto pagesa po hetohen nga Departamenti i Drejtësisë në rastin e korrupsionit që përfshin Negreira, ka raportuar e përditshmja spanjolle, AS, transmeton Paparaci.
Komiteti Teknik është përgjegjës për dhënien e udhëzimeve për praktikën e arbitrimit, vlerësimin e performancës së arbitrit dhe caktimin e gjyqtarëve.
Vetë Negreira është një ish-arbitër, dhe me sa duket Barcelona gjithashtu kërkoi këshilla për lojtarët e saj se si të sillen me gjyqtarë të caktuar në fushë.
Barcelona lëshoi një deklaratë menjëherë pas publikimit të lajmit, me deklaratat e mëposhtme.
- Që FC Barcelona punësoi shërbimet e një konsulenti teknik të jashtëm në të kaluarën, i cili furnizonte, në format video, raporte teknike duke iu referuar lojtarëve të kategorisë më të ulët në Spanjë për sekretariatin teknik të Klubit.
- Për më tepër, marrëdhënia me vetë ofruesin e jashtëm u zgjerua me raporte teknike lidhur me gjyqtarët profesionistë për të plotësuar informacionin e kërkuar nga stafi trajner i ekipit të parë dhe filialit, një praktikë e zakonshme në klubet profesionale të futbollit.
- Aktualisht, ky lloj shërbimi i kontraktuar i takon një profesionisti të caktuar në Zonën e Futbollit.
- FC Barcelona i vjen keq që ky informacion shfaqet pikërisht në momentin më të mirë sportiv të këtij sezoni.
- FC Barcelona do të ndërmarrë veprime ligjore kundër kujtdo që prish imazhin e Klubit me insinuata të mundshme kundër reputacionit të entitetit që mund të lindin si rezultat i këtij informacioni.