Federata e Futbollit e Kosovës ka prezantuar fanellat e reja për Kombëtaren e Kosovës, në rrugëtimin drejt Kampionatit Evropian.
Fanellat e reja përfshijnë ngjyrat e flamurit dhe hartën e Kosovës dhe janë të prodhuara nga brendi i njohur italian “Errea”.
Linja e re e veshjeve prezanton tri dizajne të fanellave; Me të kaltrën Dardanët do të luajnë në shtëpi, me të bardhën në udhëtim, ndërsa ngjyra e zezë është përzgjedhur si opsion i tretë.
Nëpërmjet këtij bashkëpunimi trevjeçar të FFK-së me partnerin e UEFA-s “Errea”, ekipet kombëtare të të dy konkurrencave do të pajisen me të gjitha uniformat dhe pajisjet e nevojshme sportive.