Alex Frei është njëri prej emrave të përfolur për të marrë postin e përzgjedhësit të Kosovës në futboll, shkruan “Blick”.
Frei aktualisht është trajner i skuadrës së FC ëil, që garon në kategorinë e dytë të futbollit zviceran.
Më herët ka udhëhequr skuadrat e grupmoshave të reja të Baselit, për t’u bërë trajner i përkohshëm i ekipit të parë të Baselit në vitin 2018.
42 vjeçari si futbollist ka luajtur për shumë skuadra të njohura si Baseli, Dortmundi, Rennesi, Servette, Luzerni dhe Thuni. Gjatë viteve 2010-2012, ai ka luajtur në Basel bashkë me dy futbollistët me origjinë shqiptare, Granit Xhaka dhe Xherdan Shaqiri.
Frei ka qenë pjesë e Përfaqësueses së Zvicrës për 10-të vjet, duke regjistruar 84 paraqitje e duke shënuar 42 gola.