Në një intervistë për gazetën italiane Corriere della Sera, tenisti serb Novak Gjokoviq ka folur edhe për Kosovën. Ai ka thënë se dëshiron të vijë në Kosovë me gruan e tij për t’i pagëzuar fëmijët.
“Dëshiroj të shkoj në Kosovë me gruan time për të pagëzuar fëmijët e mi atje, Stefanin tetë vjeç dhe Tarën pesë vjeçe”. E di që çështja është delikate, që konflikti është ende i pranishëm edhe pse nuk është më i armatosur, por ka shumë tensione. Nuk dua të futem në politikë, por për çdo serb, Kosova është në zemër, është qendra e kulturës, identitetit tonë, traditës dhe besimit tonë”, ka thënë sportisti serb./Paparaci