Trajneri izraelit i Pejës, Rami Hadar ka vendosur ta zgjasë bashkëpunimin edhe për një vit me klubin pejan.
Kështu ka bërë të ditur sot vetë klubi i basketbollit Peja.
“Klubi jonë ka arritur marrëveshje për vazhdimin e kontratës me trajnerin Rami Hadar me qëllimin për të pregaditur dhe zhvilluar ekip i cili do garojë në kualifikimet për Champions League. Kohëzgjatja e bashkëpunimit tonë për të ardhmen është realizuar në periudhë kohore 1 vjeçare. Vazhdojmë së bashku, drejt sukseseve të radhës”, thuhet në njoftimin e klubit.
Hadar arriti të shpallet kampion me Pejën pasi mposhtën Trepçën në finale.
Përpos Pejës, Hadar pritet të marrë edhe drejtimin e Përfaqësuses së Kosovës.