Është arrestuar një person në Skenderaj, pasi dyshohet për vrasje në tentativë.
Siç thuhet në njoftimin e policisë, i dyshuari është një 31 vjeçar i cili me armë zjarri e kishte plagosur një burrë tjetër.
Thuhet se si pasojë e lëndimeve viktima i moshës 51 vjeçar, është dërguar për tretman mjekësor në QKMF Skenderaj, e më pas është transferuar për në QKUK Prishtinë për tretman të mëtutjeshëm.
“Ndërsa në cilësi të provave materiale Policia ka konfiskuar një armë e shkurt zjarri modeli Cervena Zastava 7.62, një karikator, dy fishek, një gëzhojë. Me vendim të prokurorit, të dyshuarit L.R., 31 vjeçar, shtetas i Republikës së Kosovës, u është caktuar masa e ndalimit policor ndërsa hetimet për rastin janë duke u zhvilluar për vepër penale ‘’Vrasje ne tentativë’’”, thuhet në njoftimin e policisë.