Skuadra e Dritës nuk ka arritur të këndellet as në ndeshjen ndaj Ulpianës, në të cilën nuk e mori më shumë se një pikë. Dueli i luajtur në Lipjan, është mbyllur me rezultatin 1:1.
Marko Simonovski e kaloi Dritën në epërsi në minutën e 27-të, ndërsa Egzon Qerimi (56’) barazoi për Ulpianën.
Me këtë pikë, Ulpiana ngrihet në pozitën e shtatë në tabelë me shtatë pikë të mbledhura. Për Ulpianën, ky është barazimi i katërt këtë edicion karshi katër humbjeve dhe një triumfi.
Për Dritën, kjo është ndeshja e katërt rresht që nuk di për fitore. Ka dy humbje dhe dy barazime kurse zë vendin e katërt në tabelë me 13 pikë.