Ndërsa Peja vazhdon rimëkëmbjen e saj nga përmbytjet shkatërruese të shkaktuara nga reshjet e dendura dhe kushtet e pafavorshme të motit, Jumbo Kosova dhe Fondacioni Mane kanë ndihmuar familjet e prekura.
Në një nismë të përzemërt, ata kanë dhuruar bujarisht 10,000 euro produkte dhe pajisje shtëpiake të domosdoshme për dhjetë familje të prekura nga përmbytjet.
“Ne qëndrojmë në solidaritet me banorët e Pejës në këtë kohë sfiduese”, tha Drilona Maloku, Menaxhere e Jumbo Kosovës.
“Jumbo do të jetë shumë shpejt prezent në qytet dhe tashmë e konsiderojmë si përgjegjësinë tonë të ndajmë shqetësimet e komunitetit. Shpresojmë që angazhimi ynë do i ndihmojë njerëzit të rindërtojnë jetën e tyre.”
Duke ofruar produkte dhe pajisje shtëpiake, Jumbo Kosova synon të sigurojë burime thelbësore për familjet e prekura dhe të rikthejë një ndjenjë normaliteti në jetën e tyre.
Ky kontribut është pjesë e angazhimit të Fondacionit Mane për përmirësimin e kushteve të jetesës së njerëzve në nevojë.