Tre karateistë nga Kosova kanë fituar medalje në Kampionatin Ballkanik të Karatesë, të mbajtur në Kroaci.
Elhami Shabani, humbi vetëm luftën e tij në finale duke arritur të sigurojë vendin e dytë. Mori me vete medaljen e argjendtë nga Poreçi i Kroacisë, aty ku u zhvillua ngjarja.
Karateisti tjetër nga Kosova, Herolind Nishevci, i cili garon në kategorinë mbi 84 kilogram, arriti të stoliset medaljen e bronztë, raporton Paparaci.com.
Sukses në këtë garë ka arritur edhe një anëtare e ekipit kosovar në konkurrencën e femrave.
Fortesa Orana, e cila garon në kategorinë mbi 68 kilogram, ka zënë vendin e tretë.
Në gusht të vitit të kaluar, suksese të mëdha në garat e karatesë arritën dy karateistët e rinj, Rinesa Osmani dhe Rigon Baruti, të cilët fituan secili nga një medalje në Kupën e Botës për të rinj. /Paparaci.com