Policia e Kosovës ka thënë se është duke i ndërmarr të gjitha veprimet e saj operacionale për mbarëvajtjen e procesit zgjedhor të dielën.
Këtë, policia ka thënë se po e bën me qëllim ofrimin e sigurisë, mbajtjen e rendit, qetësisë dhe sigurisë publike në vend “para-gjatë dhe pas procesit të zgjedhjeve”.
“Me qëllim të zbatimit të masava, janë duke u aplikuar kontrolle të vazhdueshme ndaj atyre që nuk zbatojnë masat anti-Covid-19, dhe masa ligjore janë ndërmarr dhe po ndërmerren në vazhdimësi”, ka bërë të ditur Policia e Kosovës të dielën.
“Policia e Kosovës apelon te të gjithë qytetarët që të respektojnë vendimet e marra nga qeveria e vendit, me qëllim që të ruajmë shëndetin publik si dhe të pamundësohet përhapja e mëtejme e virusit”, apeloi organi i rendit.
Deri në orën 15:00, policia ka arrestuar të dielën pesë persona të dyshuar për kryerje të veprave penale në votime.
Kosovarët po dalin sot në zgjedhje. Ata po vendosin udhëheqësit e tyre lokalë përmes votimeve në 38 komuna.
Është ky një test për partinë në pushtet të kryeministrit Albin Kurti, por edhe për lidershipet e reja të Partisë Demokratike të Kosovës (PDK) dhe Lidhjes Demokratike të Kosovës (LDK). /Paparaci.com