Nën moton “Siguri për vajzat dhe gratë”, pasditen e së hënës është protestuar në Prishtinë. Kjo protestë vjen pas vrasjes së 21-vjeçares në Ferizaj.
Kjo protestë është organizuar nga Kolektivi Për Mendim dhe Veprim Feminist, ku morën pjesë qytetarë të shumtë, raporton Paparaci.
“Ne nuk harrojmë”, “Edhe sa thirrje të humbura”, “Poshtë sistemi patriarkal”, “Armiku ynë është patriarkati”, janë disa nga pankartat e shpalosura në protestë.
21-vjeçarja Erona Cokli u vra nga të shtënat me armë zjarri nga ish-bashkëshorti i saj, Valon Aliu në Qendrën për Punë Sociale në Ferizaj, më 12 prill.
Ndaj të dyshuarit, Valon Aliut është vendosur masën e paraburgimit prej 30 ditësh.