Delegacioni serb në Asamblenë Parlamentare të Këshillit të Evropës ka dorëzuar 10 amendamente në tekstin e rekomandimit për pranimin e Kosovës në këtë organizatë ndërkombëtare, në përpjekje për të “margjinalizuar” opinionin e raportueses së APKE-së, Dora Bakoyannis”, ka thënë shefja e delegacioni serb, Bilana Pantiq Pila për portalin serb “kosovoonline”.
Ajo ka thënë se vendimi i Komisionit për Çështje Juridike të PSSE-së, i cili ka përkrahur draft-Opinionin për anëtarësimin e Kosovës në Këshillin e Evropës, ishte i pritshëm, transmeton Paparaci.
“Këshilli ka marrë vendimin e pritur, por nuk ishte unanim, sepse tre anëtarë ishin kundër – dy nga delegacioni serb, së bashku me një koleg nga Qipro”, ka thënë Pantiq Pila.
Në përpjekje për ta prolonguar sa më shumë vendimin mbi Kosovës një nga amendamentet e dorëzuara nga delegacioni serb kërkon shtyrjen e vendimit për kërkesën e Kosovës për anëtarësim derisa Këshilli i Sigurimit i Kombeve të Bashkuara të “përcaktojë apo miratojë statusin e Kosovës”.
Serbia gjithashtu kërkon që teksti i propozuar të ndryshohet në mënyrë që themelimi i Asociacionit të jetë parakusht për vazhdimin e procesit të shqyrtimit të kërkesës së Kosovës për anëtarësim, dhe jo një obligim pas anëtarësimit, siç thuhet në rekomandim./Paparaci.com