Tre persona janë arrestuar në Gjakovë si të dyshuar për tentim vrasje.
Rasti në fjalë ka ndodhur më 14 prill, kur Policia kishte njoftuar për një përleshje me armë mes dy grupeve.
Nga tre të dyshuarit janë konfiskuar armët që dyshohet se janë përdorur në rastin në fjalë.
Me vendim të prokurorit, tre personat e dyshuar janë dërguar në mbajtje.
“Gjakovë/14.04.2024-20:19. Lidhur me rastin, me 18.04.2024 janë arrestuar tre të dyshuar meshkuj kosovarë dhe janë konfiskuar dy armë zjarri që dyshohet të jenë përdorur në rast. Me vendim të prokurorit të dyshuarit janë dërguar në mbajtje”, thuhet në njoftimin e Policisë, më 19 prill.
Po ashtu, më 16 prill, është vetë-dorëzuar njëri nga të dyshuarit e këtij rasti.
(Në fotografinë e ballinës: Endrit Berisha, i vetë-dorëzuar në polici të martën)
Vrasja në tentativë në Gjakovë: Detaje të reja për gjuajtjet me armë zjarri mes dy grupeve