Federata e Basketbollit e Kosovës ka marrë vendimin final lidhur me delegimin e gjyqtarëve në ndeshjet gjysmëfinale dhe finale në “play-off”.
FBK-ja ka vendosur që edhe këtë vit ndeshje gjysmëfinale dhe finale të gjykohen nga dy gjyqtarë ndërkombëtar dhe një gjyqtar vendor, raporton Asistonline, transmeton Paparaci.
Shoqata e Gjyqtarëve të Basketbollit të Kosovës kishte “kërcënuar” fillimisht me bojkot në rast se ftohen gjyqtarët ndërkombëtar, por sipas raportimit SHGJFBK-ja dhe FBK-ja kanë arritur marrëveshje sot.
Sipas marrëveshjes, ndeshjet do të gjykohen nga dy gjyqtarë ndërkombëtar dhe një gjyqtar vendor.
Ndeshjet gjysmëfinale do të zhvillohen nga nesër, ku kampioni aktual, Peja do të përballet me Golden Eagle Yllin, kurse Prishtina do të përballet me Trepçën.