Valentin Selmanaj, arsimtar i edukatës fizike në shkollën fillore “Lidhja e Prizrenit” në Deçan, u dënua me 15 vjet burg dhe ndalim të ushtrimit të profesionit për tërë jetën.
I njëjti u dënua sepse në qershor të vitit 2023 kishte puthur një nxënëse pa dëshirën e saj.
Paparaci ka raportuar për këtë rast e publikuar edhe videon por, pas dënimit të arsimtarit, 15 vjetët për dikë nga komentuesit qenë meritore, e për dikë jo. Kryesisht, burra janë ata të cilët në komente online kanë arsyetuar gjestin tmerrues të arsimtarit.
Muhamet Rexhepi, një profil në Facebook, u shpreh se nxënësja e klasës së shtatë ka faj për ngjarjen.
“Valla edhe ajo qika paska pas qef se u qojka nmaje tkishtav me mrri profen”, shkroi ai në një koment poshtë videos.
Në mesin e shumë komenteve, krahun arsimtarit Selmanaj ia mban edhe Ardian Hoti.
“Qysh po shifet edhe kjo e paska puthe as qe i paska livrit”.Tutje ai shton “vendim shum i gabuar sa grat po vriten qdo jave e kush u denu per nje puthje 15vite a pi shifni provat ne maje te gishtave tu e puth profen”.
E puthjen si diçka jo të madhe e ka konsideruar edhe Fadil Grabovci, ku ani se nxënësja ka qenë e mitur.
“Denim po, po denim katastrof pa lidhje, per puthje, mbasi se ka shfrytzue edhe seksualisht, ka mjaftu 2 a 3 vjet per puthje (mbasi se paska perdor edhe gjuhen), dhe ndales me qendrue dhe me kalue afer gjitha shkollave, kish mjaftue”, shprehet Grabovci.
E një profil i Mehdi Klinakut, ku në foto profili shihet se është familjar, komentoi se fajin s’e ka veç arsimtari.