Ish-kryeministri Avdullah Hoti ka thënë se është e dyshimtë përzgjedhja e kompanive për ndërtimin e shtëpive të komuniteteve. Deputeti i LDK-së ka thënë se ministri i Pushtetit Lokal, Elbert Krasniqi duhet të përgjigjet për shpenzimin e 3 milionë eurove me kontrata njëburimore.
“Ministri i Pushtetit Lokal duhet të përgjigjet përse i ka shpenzuar 3 milion euro me kontrata njëburimore për ndërtimin e shtëpive për komunitete, siç kanë gjetur organizatat joqeveritare. Nuk ka kompani private të mjaftueshme në treg për të ndërtuar shtëpi njëkatëse, dy-tri dhomëshe?!”, tha Hoti.
“Sa për grantet e pushtetit lokal, Kosova ka qenë shembull për pushtetet lokale në rajon dhe më gjerë për objektivitetin e ndarjes së granteve nga pushteti qendror tek ai lokal.
Bashkëpunimi i Qeverisë me pushtetin lokal kurrë nuk ka qenë më i keq”, tha ai.