Organizata e Veteranëve të Luftës të UÇK-së në Gjakovë, ka reaguar ndaj asambleistes së Lëvizjes Vetëvendosje në këtë komunë Mimoza Shala e cila në mbledhjen e asamblesë komunale ku po diskutohej për dëshmorët ka akuzuar kryetarin e kësaj organizate Sadri Hoxha.
“Nuk është hera e parë qe e njëjta paturpshëm mundohet ta fallsifikoj historinë, kohë më parë e njejta është munduar të manipuloj me emrin e rrugës se dëshmorit Xhafer Shala në Rugovë të Hasit duke tentuar paturpsisht dhe duke falsifiku dokumnte rrugën e njejtë ta emëroj në emër të gjyshit të vet ( dokumentet e njejta i disponon OVL e UÇK-së dega ne Gjakovë)”, thuhet në reagimin e kësaj organizate, njofton Paparaci.
“Gjithashtu ja bëjme me dije të njëjtës dhe gjithë aktërve tjer politik duke ua terhek vërejtjen larg duart nga dëshmorët dhe mjaft më me shpifje e përqarje, dëshmorët janë të shenjtë dhe vlera më sublime e kombit tonë. Gjithashtu ja kujtojmë të njejtës se OVL e UÇK-së dega ne Gjakovë ja jep mbështetjen e plotë Kryetarit Ardian Gjini dhe eprorëve te Brigades “137 Gjakova” lidhur me çeshtjen ne fjalë”, thuhet tutje në njoftim.